Ballpen at papel ang aking katuwang
Sa mga oras ng aking sariling pag-iisa.
Nakakulong sa silid ng tahanan,
Naliligaw ang isipan sa labas ng bahay.
Ang tinta ng panulat ay ang nararamdaman
Lungkot, saya at pagninilay-nilay.
Gamit ang sulat sa pakikidigma
Sa nagaganap na giyera sa aking kalooban.
Ang indayog ng panulat
Ay ang pagtibok ng puso ng makata.
Isinasatitik ang isipang
Pinapalaya ng kalooban.
Sa aking pagsulat
Nailalabas ang nadarama
Sa bawat salita
Binubuhos ang pangungulila.
Ang bawat salita ay patuloy na nagpupumiglas
Ang daloy ng kamay ay hindi natitinag.
Pagkat ang puso ay tumitibok nang tuluyan
Kasabay ang walang puknat na paghikbi ng isipan.
(Ang kapanganakan ng mga salita sa matagal na pag-usad ng jeep na sinasakyang pauwi mula sa pamantasan)
No comments:
Post a Comment