MANDARAYANG PAGMAMAHAL
Nina Apollomari Cangayda
Dominique Castro at
Ryan Gimenez
Mga mag-aaral sa ikaapat na taon pangkat Honor sa
International Christian Academy
TONDO. Lugar ng mga mabibigat na krimen.
Patayan sa bawat sulok ang iyong matatagpuan kunga kaya’t minsan na itong
binabansagang “Lugar ng mga Siga”. Dito nakatira si Rianna, isang babaeng nasa
edad 24 at binabayaran para pumatay. Kilala din siya blang “Kamatayan” dahil sa
husay at galling sa pakikipaglaban. Nakaupo si Rianna sa kanyang paboritong
lugar sa Tondo, sa tuktok ng isang mataas na gusali kung saan kita niya lahat
ng tao sa baba hanggang sa pinakadulo ng abot-tanaw kung saan nagtatagpo ang
lupa at langit. Bigla na lang tumunog ang kanyang cellphone.
“Magandang
gabi, Don Nick”, bati ni Rianna.
“May
ipapagawa ako sayo, may ipapalinis lang naman na isang peste na humahadlang sa
ating negosyo”, tinig ni Don Nick.
“Sige
po, saan ko siya makikita?”, tanong ni Rianna.
“Magkita
tayo bukas sa isang restawran sa bukana ng inyong kalye”, sagot ng Don.
Alas
otso ng umaga nang pumasok si Rianna sa isang restawran at napansin ang isang
matandang lalaki na nakaupo sa isang sulok. May mga malalaki at makikisig na
tauhan na nakapalibot sa kanya. Lahat sila ay may seryosong mukha at mga matang
hindi magdadalawang isip pumatay.
“Boss,
sino po ang inyong ipapalinis?”,bating patanong ni Rianna.
“Maupo
ka, ito ang dokumento at detalye ng iyong pupuntiryahin”, sabi ng Don.
Agad
na nakilala ni Rianna ang lalaki sa litrato. Si Paul, ang kanyang dating
kasintahan. Agad nang bumuhos ang napakaraming tanong sa kanyang isipan… Anong nagawa ni Paul? Bakit kailangan ko
siyang patayin? Anong gagawin ko? Ito ang mga tanong na tumakbo sa kanyang
isipan habang nagpapaliwanag ang kanyang amo.
“Hindi
ito pakiusap kundi isa itong utos, inaasahan kita dito”, utos ng Don.
Umalis
na si Rianna at dumeretso sa kanyang paboritong lugar sa itaas ng gusali at nagnilay-nilay..
Napaisip siya nang matagal kung itutuloy niya ang kanyang misyon. Alam niyang
mahal niya pa rin ang dating kasintahan at ayaw niya sanang madamay ito. Ngunit
ayaw niya rin biguin ang kanyang amo na naging tapat at itinatrato siya nang
mabuti at espesyal kaysa iba. Habang nakayuko ang kanyang ulo na nakatingin sa
mga tao sa ibaba, may napansin siyang taong naglalakad na karaniwan ang mukha.
“Si
Paul ba iyan?”, tanong sa sarili.
Pasigaw
niyang sinabi, “Si Paul nga!”
Agad
siyang bumaba at sinundan si Paul sa malayo hanggang makarating ito sa bahay.
Nang makita ni Rianna si Paul na umakyat sa ikalawang palapag, umakyat siya sa
isang puno malapit sa bintana ng kwarto at kumatok.
“R-ri-rianna!!!....
Rianna!”, patakang sigaw ni Paul.
Binuksan
niya ang bintana sabay tanong “Ikaw ba talaga yan?”
“Oo,
Paul. Ako nga.”, patulong luhang sinagot ni Rianna at agad niyakap si Paul.
“Anong
nangyari sayo? Bakit bigla ka na lang nawala? Alam mo bang araw-araw kitang
hinihintay sa mismong bintanana iyan. Araw-araw ako nagdadasal n asana marinig
ko muli ang iyong pagkatok”, paiyak na tanong ni Paul.
“Marami.
Napakarami. Hindi ko alam kung saan magsisimula pero hindi na iyon mahalaga sa
ngayon. Ikaw ang importante sa akin ngayon”, palambing na sagot ni Rianna.
Nagpalipas
ng gabi si Rianna sa bahay ng kasintahan at nung kinaumagahan ay umalis agad
nang hindi nagpaalam.
“Mahal
n mahal kita, tandaan mo iyan”, pabulong na sinabi ni Rianna sa natutulog na
Paul.
Makalipas
ang ilang araw, madalas na silang nagkikita ni Paul at namunga ulit ang
kanilang dating pag-ibig. Ngunit sa kada araw na lumilipas, alam ni Rianna na
kailangan niya pa rin gawin ang pinapautos sa kanya. Nakakaramdam siya ng saya
pero kasama nito ay takot sa pagdating ng aaw na iyon. Dumating na nga ang
kanyang ikinatatakot at ang mga masasayang araw niya’y malapit nang maglaho.
Tumunog ang cellphone ni Rianna kung kaya’t lumayo muna siya kay Paul upang
makausap ang amo.
“Nagawa
mo na ba ang ipinapautos ko?”, tanong ni Don Nick.
“Hindi
pa po, bigyan niyo pa po ako ng kaunting oras, pag-aaralan ko lang siya at
hinihintay ko lang ang tamang oras para patayin siya”, napalunok nang malalim
si Rianna dahil alam niyang kahit kailan ay hindi niya ito magagawa lalo na’t
na sa kanyang kasintahan.
“Ano
ba naman ‘yan. Buwan na nakalipas hindi mo pa rin ‘yan maasikaso?! Ano ba?
Pinoprotektahan mo ba ‘yan? Kilala mo ba ‘yan? Bakit hindi mo magawa? Ikaw pa
naman ang pinakamahusay ko. Kung hindi mo kayang tapusin ‘yan, ako na lang ang
tatapos para mawala na ‘yang peste na ‘yan!, ibinaba nang malakas ng Don ang
cellphone.
Agad
na tumakbo si Rianna kay Paul at minamadali ang lumakad.
“Bakit?
Anong nangyari?”, tanong ng kasintahan.
“Basta.
Hindi ko maipaliwanag dito, sumunod ka na lang sakin.”
Pumara
siya ng taxi at dumiretso sa airport.
“Bakit
tayo nandito?”, tanong ulit ni Paul.
“
‘Wag ka sanang mabigla sa aking sasabihin. Isa akong bayaran para pumatay at
ang rason kung bakit ako nawala na lang bigla at hindi nagpakita ay dahil sa
trabaho ko. Ayaw kong mapahamak kita kaya ako na lang ang lumayo”, inilahad ni
Rianna ang lahat kay Paul.
“Alam
mo, parang wala akong narinig sa mga sinabi mo kasi kahit ano ka pa, mahal pa
rin kita.Wala akong pakialam kung malagay pa ako sa kapahamakan basta’t ang
importante lang sa akin ay ang makasama ka”, sagot ni Paul at napayakap nang
mahigpit kay Rianna.
Subalit,
hindi nila namalayan na sinundan pala sila ni Don Nick at ang kanyang mga
tauhan na may hawak na mga baril at itinutok sa dalawang nagmamahalan. Agad
itong napansin ni Rianna at itinulak si Paul palayo at siya ang tinamaan ng mga
nagsiliparan na mga bala. Nakita ni Paul na natumba si Rianna at agad nitong
nilabas ang kanyang baril sa baywang at ipinaputok kay Don Nick.
Liwanag galing sa mga ilaw ng sasakyan ng mga pulis ang nakapalibot sa dalawang magkasintahan. Dahan-dahan din bumagsak si Don Nick dahil sa mga tama ng baril na ipinaputok ni Paul. Tumakbo si Paul papunta kay Rianna at binuhat ito habang umiiyak.
"Wag! Wag mo akong iwan. Nagmamakaawa ako. Huwag. Mahal na mahal kita!", paiyak ba sinabi ni Paul.
"Mahal na mahal din kita. Patawarin mo ako kung hindi ko nasabi nang maaga. Patawarin mo ko kung nagkulang ako sayo. Patawarin mo ko dahil wala ako sa iyong tabi kung saan dapat an naroon ako. Patawad."
Agad na binawian ng buhay si Rianna habang ang duguang kamay nito ay nakahawak sa kamay ng kanyang iniirog.
Rumesponde naman kaagad ang mga medic unit at inasikaso si Paul at ipinasok naman si Rianna sa sasakyan. Napatitig si Paul sa mga nangyari habang umiiyak nang mahina sa kanyang isipan at ang puso'y nabiyak nang may lumapit na isang puting-buhok na pulis at kinamayan si Paul.
"Mahusay, Agent Paul sa isa mo na namang matagumpay na misyon!"
No comments:
Post a Comment