AY NAKU!

Sa panulat ng mga mag-aaral sa ikaapat na taon pangkat Honor

International Christian Academy

Joshua Luna

Hannah Revilla

John Somontina

Si Bentong ay isang trabahador sa MOA ice rink. Siya ay galing sa mahirap na pamilya. Dahil dito, hindi siya nakapagtapos ng kolehiyo at nagtrabaho na agad. Araw-araw, gabi-gabi, nagbabantay at naglilinis si Benyong. Kahit na mababa lang ang kanyang sweldo, sapat pa rin iyon para sa kanyang mga magulang at kapatid.

Isang gabi, nang pasardo na ang ice rink, si bentong ay nag-aayos ng mga upuan. Nang may dumating na babaeng naka-sweater at mini skirt, halatang galing sa mayaman na pamilya. Nilapitan niya si Bentong at sinabing "Kuya, pwede pa po ba pumasok? Nawala ko po kasi ang wallet ko." Naghanap sila buong gabi at doon nagsimula ang kanilang pagkakaibigan. Padalas nang padalas ang pagbisita ng babae sa ice skating rink para kay Bentong. Halos araw-araw na silang magkasama at magka-ice skating. Dahil dito, ang kanilang pagmamahal sa isa't isa ay lumalim nang lumalim. Umakyat na sa panliligaw ang lalaki at di nagtagal sinagot na rin siya ng babae.

Lumipas ang isang taon na puro pagmamahalan at kasiyahan. Napag-isipan ni Bentong na ipakilala na ang babae sa kanyang mga magulang. Pinakilala ni Bentong ang babae sa kanyang ina, "Inay, ito nga po pala si Ashley. Ang girlfriend ko."

Namukhaan ng nanay ang babae.

"Ah. Kumusta ka naman Ashley? May kilala ka bang Mr. Junmar Santos?"

Nanlaki ang mga mata ni Bentong dahil sa pagkagulat sa tanong ng kanyang ina. Sumagot si Ashley, "Ah, opo. Tatay ko po siya."

Nang ito'y sagutin ni Ashley, hinila ng nanay si Bentong papunta sa kusina at bumulong.

"Anak, kamag-anak natin siya. Pinsan mo siya anak."

Natulala si Bentong at napasabi lamang ng, "Ay naku!"